Straatpoëzie
't Kepelke bie de Brög
Karel Dorren · Kerkstraat 29, 6301 BX Valkenburg, Nederland
Leef Vruike in 't kepelke,
Bie oos Geul, vlak aan de brög
Mèt de Baoge veur eur ouge
en 't kesjtielke in de rög.
Leef Vruike in 't kepelke,
Bie oos Geul, vlak aan de brög,
Ederein hilt Uuch in ière
In 't lendsje van de Bök.
Leef Vruike in 't kepelke,
Bie oos Geul, vlak aan de brög,
Sjpaart door 't Kinneke, dat God ies
Oes veur zörg en leid en drök.
Leef Vruike in 't kepelke,
Bie oos Geul, vlak aan de brög,
Laot diet volk, dat Uuch zoa leef haet,
Deile in Eur groat gelök.