Straatpoëzie
Ode väör Sint Jozef
Frits Criens · Kerkstraat, Nunhem, Nederland
Ode väör Sint Jozef
Zien broed ging op de aezel, hae d'r naeve
Op sjaemel paej van zandj en sjerpe grindj
Zoeë wied, nao Bethlehem, door waer en windj
Woeë hae zich van de keizer aan mós gaeve
Dao waas gein bèd te kriege mier intrintj
Mer hem leek eine sjtal neet èns ónaeve
Ein jungske, lang verwachtj, zoog dao het laeve
Hae kós de aafkomst van dit hemels kindj
Maria waas door Jaweh oetverkaore
Waat häör waas aangezagdj door Gabriël:
Oet dich waertj de Verlosser sjtraks gebaore
En Jozef is as troewe jónkgezel
Gaer voedstervader van dae Zoon gewaore:
Wae iere uch, Sint Joep, mèt dees kapel
